Build > Buy? McKinsey 指 32% 企業已經改用 AI Agent 自己揼曲！

McKinsey 最新出爐嘅《State of AI 2026》報告，今年有 32% 嘅企業決定 skip 咗買新嘅 SaaS 軟件產品，轉為用 Agentic Coding Tools 自己 in-house 揼曲。喺 Tech 界入面，呢個比例仲高達 41%。

企業與其每年硬食幾十萬美金嘅 license fee，仲要局住用 vendor 嗰套 rigid workflow，不如叫條 dev team 開個 Cursor 或者 Claude Code 幫手，可能一個 sprint 甚至一個 weekend 就已經起到個高度 custom 嘅內部系統，仲可以完美 fit 晒自己公司嘅痛點。

當寫曲嘅成本同門檻大幅降低，好多 non-core 嘅 SaaS product 好容易被 internal AI agent 取代。企業發現自己起一個 AI-powered workflow，完全做到 hyper-personalization。

Day 2 Operation 先係戲肉: 用 AI 寫個 demo 出嚟好快，但 upstream API 改 schema、database migration 同 security updates 先係最攞命嘅地方。以前畀錢買 SaaS 係買埋 vendor 幫你食咗呢啲維護成本（同埋出事有人孭鑊），而家自己 build 就要自己硬食 contract drift 同 technical debt。

除咗 mission-critical 或者 compliance 相關嘅系統（例如 ERP 或者高度監管嘅系統）仍然係「Buy」比較穩陣之外，好多 workflow automation 真係可以直接「Build」。